Leiðbeiningar um hönnun umhverfis hjólreiða eru unnar af samstarfshópi sveitarfélaganna á höfuðborgarsvæðinu og Vegagerðarinnar um þróun samgöngukerfa fyrir reiðhjól á höfuðborgarsvæðinu á grundvelli samkomulags SSH og Vegagerðarinnar frá 17. apríl 2015.

Leiðbeiningarnar eru liður í að tryggja samræmingu í útfærslu umhverfis fyrir reiðhjólafólk á höfuðborgarsvæðinu. Þær byggja á eldri leiðbeiningum Reykjavíkurborgar og vinnu Vegagerðarinnar.

Í nýjum leiðbeiningum er m.a. tekið á eftirfarandi þáttum:
• Útfærsla á hönnun hjólaleiða eftir aðstæðum
• Rýmisþörf hjólreiðamannsins
• Öryggissjónarmið, ferill og sýn
• Samspil ólíkra ferðamáta
• Uppbygging stíga og umhverfi þeirra
• Sérlausnir
• Gátlisti fyrir hönnun reiðhjólastíga

Leiðbeiningar er í fyrstu gefnar út sem drög til reynslu en gert er ráð fyrir endanlegri útgáfu í byrjun árs 2019.

Mikilvægt er að allir þeir sem koma að hönnunarverkefnum fyrir hjólandi vegfarendur tileinki sér sem fyrst þær áherslur sem birtast í leiðbeiningunum. Tekið er á móti ábendingum sem kunna að koma fram við notkun leiðbeininganna á netfanginu This email address is being protected from spambots. You need JavaScript enabled to view it.


 

Fjölbreyttar samgöngur eru mikilvægari í dag en þær hafa nokkurn tímann verið.  Eftir því sem þeim fjölgar sem nýta hjól sem samgöngutæki eykst þörfin á samræmdum aðgerðum sem einfalda hjólafólki leiðarval og rötun.

Vegvísar verða notaðir til að merkja leiðir og sett upp þar sem hætta er á misskilingi í leiðarvali. Einnig eru vegvisarnir notaðir til að minna vegfarendur á hvaða leið þér eru. Sjá í meðfylgjandi skjali.
pdf button  Útfærsla og staðsetning hjólavegvísa

Sveitarfélögin á höfuðborgarsvæðinu í samstarfi við Vegagerðina hafa unnið samræmt kerfi merkinga á lykilleiðum hjólreiða á höfuðborgarsvæðinu, að erlendri fyrirmynd. Gefnar hafa verið út leiðbeiningar fyrir tæknimenn sveitarfélag og hönnuði. Stofnleiðum hjólreiða á höfuðborgarsvæðinu hefur verið skipt í fimm lykilleiðir;  gul, rauð, græn, blá og fjólublá.

Hjolaleidir kort Lykilleidir a hofudborgarsvaedinu Shb mynd