Sérskóli á höfuðborgarsvæðinu

Að greina fýsileika þess að sveitarfélög á höfuðborgarsvæðinu eigi samstarf um uppbyggingu sérskóla í samstarfi við ríkið.

Brýnt er að skoða stöðu barna með auknar þjónustuþarfir, hvort sem er vegna fötlunar, veikinda, yfirgripsmikilla hegðunarvandamála eða annars,og hvernig komið verði til móts við þær þarfir innan skólakerfisins.

Ljóst er að koma þarf til einhvers konar samspils milli mennta-, velferðar- og heilbrigðiskerfisins þar sem tryggja þarf samþættingu þjónustu þvert á kerfi. Markmiðið er að sem flest börn sæki sína heimaskóla og að þar sé þjónusta til staðar. Hins vegar hefur mikil ásókn verið í sérúrræði, vegna þeirra barna sem örðugt er að veita úrræði við hæfi í heimaskólum, s.s. vegna umfangsmeiri hegðunarvanda.

Verkefnið verður unnið með aðkomu utanaðkomandi ráðgjafa sem m.a. safnar gögnum og tekur viðtöl við aðila innan mennta-, velferðar-, og heilbrigðiskerfisins með það að markmiði að greina núverandi stöðu, kanna hvort fýsilegt sé að koma á fót sérskóla á svæðinu og hvernig samstarfi í kringum það verði þá best háttað.

Greining á fýsileika þess að sveitarfélögin á höfuðborgarsvæðinu, ásamt ríkinu, hefji samstarf um uppbyggingu sérskóla á grunnskólastigi.