Fjölsmiðjan

Þróunar- og forvarnarverkefni

Verkefnið var eitt af áhersluverkefnum ársins 2022.

Fjölsmiðjan er sjálfseignarstofnun með það markmið að starfsrækja verkþjálfunar, framleiðslu- og fræðslusetur fyrir fólk á aldrinum 16-24 ára. 

Fjölsmiðjan sinnir mikilvægu hlutverki þegar þörf er á félagslegum úrræðum fyrir unglinga. Byggt er á góðu samstarfi við atvinnulífið, félagsþjónustu sveitarfélaganna, Vinnumálastofnun, framhaldsskólanna, ráðuneyti mennta- og menningarmála og aðra aðila sem vinna að málefnum ungs fólks. 

Markmið verkefnis var að auka vellíðan nema Fjölsmiðjunnar og stuðla að því að þeir fjölgi farsælum ákvörðunum í daglegu lífi. Eins að „þjálfa“ viðhorf nema sem stuðla að farsælum ákvörðunum. Samhliða var áhersla lögð á að þróa rafræna framfaraskráningar og úrvinnslu þeirra til að meta árangurinn og bæta. 

Með reglulegum framfaraskráningum hjá nemum gefst möguleiki á því að meta líðan þeirra m.a. skv. þeirra eigin einkunnagjöf.

Hverjir nýta sér úrræði Fjölsmiðjunnar?

• Einstaklingar frá velferðarsviðum sveitarfélaganna. 
• Einstaklingar sem hafa verið óvirkir í langan tíma. 
• Óvirkir einstaklingar í hefðbundnu skólakerfi - skólaforðun. 
• Einstaklingar frá Vinnumálastofnun - langvarandi atvinnuleysi.

Tækifæri nemans í Fjölsmiðjunni

• Taka þátt í leiðbeinandi stjórnunarstíl - þar sem einblínt er á styrkleika nemans í stað veikleika. 
• Vinnuúrræði í fimm deildum - verkþjálfun og þátttaka í jákvæðri fyrirtækjamenningu, áhersla á ábyrgð og áhersla á gæði vinnunar. 
• Boðið er upp á einingabært nám, námskeið og lífsleikni.
• Eftirfylgni með stað-og fjarnámi m.a. til að koma í veg fyrir brottfall úr námi. 
• Útrás fyrir sköpunarþörf. 
• Hollt og gott fæði.